Point guard
Para kay Jayson Castro, ang panalo nila kontra sa San Miguel Beer noong nakaraang gabi ay maaaring indikasyon ng kung ano ang kaya nilang makamit sa 2019 PBA Philippine Cup.
“Malaki ang maitutulong nito sa kumpiyansa namin, at sana nga, eh senyales ito ng mga positibong bagay na puwede naming mahugot sa tournament na ito,” ani Castro.
Pansin ng mga sportswriters na mukhang extra-motivated si Castro laban sa mga Beermen.
“Mensahe ba iyon o pagpapakita mo who’s the boss in our team?” tanong na nakangiti ni Spin.ph senior sportswriter Gerry Ramos.
Ganon din ang nasa isipan ng ilan pang sportswriters dahil nga kaharap ng KaTropa ang koponan kung saan nandoon ngayon ang star guard na kasama nila last season sa TNT.
“Importante lang talaga dahil defending champion sila, at kailangang-kailangan naming manalo,” ani Castro.
Lintik ang ipinakita ni Castro, kasama na ang paghugot ng 24 points, 11 assists, five rebounds at four steals.
Ilang beses siyang umiskor laban kay June Mar Fajardo.
***
Sa NLEX, ramdam ni coach Yeng Guiao na nakikita na nila ang ganansya ng pagdating nina Poy Erram at Marion Magat.
Premyadong draft picks ang pinakawalan ng NLEX upang makuha si Erram sa Blackwater.
Jackpot naman sila na makuha si Magat mula sa unrestricted free agent pool.
“We’re happy with the way Poy is coming up. He’s starting to settle down which wasn’t happening in his first three games with us. He’s uncomfortable and couldn’t get his timing. But he’s slowly getting there,” ani Guiao.
“Magat is a pleasant surprise. When we picked him up from the free agent pool, we’re actually planning to put him on our reserve list. But after a few games, he showed he deserved to be in the lineup and he’s proving he deserves the slot,” saad din ni Guiao.
Sa kanyang unang apat na laro sa NLEX, tumikada si Magat ng averages na 9.5 points, 6.5 rebounds at 0.5 assist.
Mukha talagang jackpot ang NLEX na masalo ang player na ibinasura na ng Alaska Milk.
- Latest
