PSL isinama ng SPIA sa 10 finalists

MANILA, Philippines — Inilatag ng Philippine Superliga (PSL) ang pagdaraos sa All-Fi­lipino Conference (AFC) at Collegiate Grand Slam (CGS) na may magandang balita.

Kinilala ng SPIA Asia, isang international award-giving body, ang PSL bilang isa sa 10 fi­na­lists sa Best Women Sports Event Category.

Ang mga dating na­ga­waran ng award ay ang Australian Open ng Australia, HSBC Wo­men’s Champions ng Singapore, Red Bull Air Race World Championships ng United Arab Emi­rates at Standard Chartered KL Marathon ng Malaysia.

Nakatakda ang SPIA Awards Gala Night at Convention sa Nobyembre 19 at 20 sa Centara Grand and Bangkok Con­vention Centre sa Bangkok, Thailand kung saan higit sa 400 guests at VIPs ang dadalo.

“SPIA Asia recogni­zes those organizations that influence and make a big difference in all as­pects of the sporting life in Asia,” sabi ni PSL chairman Philip Ella Jui­co ka­hapon sa press con­ference. “It is the Oscar Award of Sports in Asia.”

Hahataw ang PSL All-Filipino Conference sa Oktubre 30 sa Filoil Flying V Centre tampok ang mga bigating laro.

Lalabanan ng Smart ang Sta. Lucia Realty, habang makakatapat ng Petron ang Cocolife at sasagupain ng F2 Logistics ang Cignal.

Itatampok din sa AFC at sa CGS ang Uni­versity of the Philip­pines, University of the East, Far Eastern Uni­versity, University of San­to Tomas, De La Salle University-Das­ma­riñas at Colegio San Agustin.