Brownlee magiging Filipino citizen na
MANILA, Philippines — Gumulong na ang proseso ng naturalization ni Barangay Ginebra resident import Justin Bronwlee matapos ang opisyal na pagsusumite ng House Bill 8106 sa Kongreso kahapon.
Inakda ni Northport Batang Pier owner at 1-Pacman partylist representative Mikee Romero, ang vice chairman din ng House Committee on Sports, ang panukalang batas kasama ang iba pang kongresistang sina Enrico Pinera, Scott Davies Lanete at Erico Aristotle Aumentado.
“He has brought enormous pride and joy to the Philippine Basketball Association (PBA), as well as to all basketball enthusiasts in the country,” nakasaad sa proposed bill na magbibigay ng Philippine citizenship kay Brownlee kung sakaling maaprubahan. “Justin Brownlee said he can have a house here just like Norman Black or other imports who have fallen in love with the Filipinos and the Philippines.”
Noong Linggo ay ipinahayag ni Brownlee ang kagustuhang maging naturalized player para makapanirahan sa bansa matapos ang kanyang basketball career.
Sinuportahan kaagad siya ni San Miguel Corporation president Ramon S. Ang at sasagutin ang naturalization process ng import.
- Latest