Cavs binuhay ni Lebron

CLEVELAND -- Kaagad kumaripas ang Cavaliers sa opening period patungo sa kanilang 116-86 panalo laban sa Boston Celtics sa Game Three ng Eastern Conference Finals.

Umiskor si LeBron James at ang Cleveland ng 32 points sa first quarter kumpara sa 17 markers ng Boston para idikit ang kanilang best-of-seven series sa 1-2.

May pagkakataon ang Cavaliers na makatabla sa Game Four sa Huwebes (Manila time).

Tumapos si James na may double-double mula sa kanyang 27 points at 12 assists para sa Cleveland, dalawang beses nakabangon buhat sa 0-2 pagkakaiwan sa serye.

“I have a huge responsibility for this team,” sabi ni James. “I have to score, I have to rebound and defend, make sure guys get involved, and I’m OK with that. I’m absolutely OK with that.”

Nagdagdag naman si Kyle Korver ng 14 points sa likod ng kanyang 5-for-5 fieldgoal shooting at perpek-tong 4-for-4 clip sa three-point range.

Kumolekta si starting center Kevin Love ng 13 points at 14 rebounds, habang nagdagdag sina George Hill at JR Smith ng 13 at 11 markers, ayon sa pagkakasunod.

Nag-ambag si Fil-Am guard Jordan Clarkson ng 9-points mula sa 3-of-11 fieldgoal shooting para sa Cavaliers.

Pinangunahan ni Jayson Tatum ang Celtics mula sa kanyang 18 points, samantalang nagdagdag sina Terry Rozier, Jaylen Brown at Greg Monroe ng 13 at tig-10 points, ayon sa pagkakasunod.