Pacers rumesbak
INDIANAPOLIS — Akala ng lahat ay ‘di na makakabalik ang Indiana mula sa 17-point halftime deficit ngunit umiskor si Bojan Bogdanovic ng 30 points para tulungan ang Pacers sa 92-90 pagresbak sa Cleveland Cavaliers sa Game Three ng kanilang first-round playoffs series.
Ang panalo ang nagbigay sa Pacers ng 2-1 bentahe laban sa Cavaliers sa kanilang serye.
“We were more aggressive in the first half. We had tempo, they didn’t,” sabi ni LeBron James sa Cleveland. “Then they were more aggressive in the second half, they had tempo, and we didn’t.”
Diniskaril ng Pacers ang gabi kung saan nakasama ni Jones si Michael Jordan bilang mga tanging players sa playoff history na nagtala ng record na 100 double-doubles. Kumolekta si James ng 28 points at 12 rebounds na hindi naging sapat para akayin ang Cavaliers sa panalo laban sa Pacers.
Sa Milwaukee, kumamada si Khris Middleton ng 23 points kasunod ang 19 markers ni Giannis Anteto-kounmpo para akayin ang Bucks sa 116-92 panalo sa Boston Celtics at makadikit sa 1-2 sa kanilang serye.
Nagdagdag sina Eric Bledsoe at Jabari Parker ng tig-17 points para sa Bucks, hindi pinaiskor ang Celtics sa loob ng 11 minuto sa first half.
Sa Washington, humugot si Bradley Beal ng 21 sa kanyang 28 points sa first half habang tumapos ang kanyang All-Star backcourt running mate na si John Wall na may 28 points at 14 assists para sa 122-103 pagpapatumba ng Wizards sa Toronto Raptors at makalapit sa 1-2 sa kanilang serye.
Pinamunuan naman ni DeMar DeRozan ang Raptors mula sa kanyanng 23 points at nag-ambag si Kyle Lowry ng 19 points at 8 assists.
- Latest
