MANILA, Philippines - Ang bagong talagang Chef De Mission sa Southeast Asian Games na si Cynthia Carrion at miyembro ng SEA Games Task Force ang panauhin ngayon sa Philippine Sportswriters Association (PSA) Forum sa bagong tahanan nitong Golden Phoenix Hotel malapit sa Mall of Asia Arena.
Kasama ni Carrion sina Task Force members Raymund Lee at Tom Carrasco para talakayin ang kampanya ng Pinas sa biennial meet sa August sa Kuala Lumpur, Malaysia. Panauhin din sina former taekwondo national team member Monsour Del Rosario, ang Chef De Mission sa Asian Indoor and Martial Arts Games.
Panauhin din sa public sports program na maririnig ng live sa DZSR Sports Radio 918 at handog ng San Miguel Corp., Accel, Shakey’s at Philippine Amusement and Gaming Corp. sina International Master Ronald Bancod para sa nalalapit na UP Rapid and Blitz Chess Open at mga kinatawan ng Under Armour para sa pagdiriwang ng ‘Armour Day’ ngayong weekend.