Bilang panganay si misis sa apat na magkakapatid siya ang laging leader. Wala sa bokabularyo niya ang salitang “submission” kaya hindi siya nasanay na magpa-under kahit kanino.
Sa unang buwan ng pagsasama nilang mag-asawa, ang maliliit na desisyon ay nagiging major battle. Minsan ang isang maliit na away ay naging nuclear na siyang nagpatunaw sa katigasan ni misis. Pero si mister ay nanatili pa ring kalmado at loving sa kanyang desposisyon.
Sa kagustuhan ni misis ng katahimikan at may harmony ang relasyon nila ni mister, pinag-aralan nito ang biblical na prinsipyo ng pagpapasakop sa asawa.
Natutunan ni misis ang katotohanan na hindi pagiging inferior o mas mababa ang pagpasakop niya kay mister. Pantay pa rin ang value nila ni mister na magkaiba lamang ang mga roles. Ang role ni mister ay maging servant muna na may pagsasakripisyo at pagmamahal sa kanyang misis, at pagpapakumbaba bilang leader ng pamilya. Ang role ni misis ay katuwang sa pangangailangan ni mister, pagbibigay payo, at ka-partner sa kanilang relasyon, tahanan, at pamilya. Pati na sa kanilang decision making sa lahat ng mga problema na naging iisa ang laban bilang team ng mag-asawa.