Dear Vanezza,
May bf po ako pero hindi ko masabi kung kami pa o hindi na dahil wala naman kaming formal break-up. Pero simula nang nagbakasyon siya sa probinsiya nila parang nagbago na siya sa akin. Kapag nagkaka-text kami sinasabi niya na mahal niya ako pero hindi naman po niya ipinapakita. Sa ngayon po hindi kami nag-uusap. Ano po dapat kong gawin? Gusto ko na siyang kalimutan pero mahal na mahal ko po talaga siya.- Yssa ng Rosario, Batangas.
Dear Yssa,
Maaring may gumugulo sa kanyang isip pero anuman ang problemang ito ay wag mo ng piliting alamin. Kausapin mo na lang siya tungkol sa real score sa inyong dalawa. Kung tumanggi siya, wag mo na siyang pilitin dahil magmumukha ka lang naghahabol. Hindi na mahalaga kung wala kayong naging formal break-up. Malinaw sa mga ikinikilos niya’t ipinapakita sa iyo na nanlamig na siya sa inyong relasyon. Madaling sabihin sa salita na mahal ka niya, pero hindi ito ang kanyang ginagawa. Dahil kung talagang mahal ka niya, hindi ka niya sasaktan.
Sumasaiyo,
Vanezza