Dear Vanezza,
Pangarap ko sanang magkabalikan ang magulang ko. Pero narinig ko minsan si tatay sa bahay nila na lasing na nagkukuwento ng mga kalaswaan tungkol sa nanay ko.
Nasa kuwarto ako kasama ang lola ko na nanggigil ako sa galit na gusto ko sanang bumaba para sampalin ang tatay ko.
Ngayon ay naiintindihan ko na ang nanay ko kung bakit ayaw na niyang makipagbalikan sa bastos at walang respeto kong tatay.
Hindi ko na lang ikinuwento sa nanay ko nang umuwi na ako ng aming bahay. Para hindi magalit ang nanay ko na hindi pa naman sila friends o civil ng erpat ko. Bakit ba hindi puwedeng mamili ng tatay?
Joyce
Dear Joyce,
Huwag mo na lang pansinin ang tatay mo. Magsilbing aral sa iyong ang karanasan ng nanay mo sa pagpili ng maling lalaki. Dapat mamili ng tamang lalaki na may respeto sa mga babae lalo na sa kanilang misis. Hindi katulad ng tatay mong walang modo at bastos sa nanay mo.
Sumasainyo,
Vanezza