Puwede bang Piliin ang Mapapanaginipan?
Panaginip: Puwede bang maging scripted ang panaginip? Halimbawa, nami-miss ko na ang aking asawang nasa abroad at gusto ko siyang mapanaginipan. DSA
Paliwanag: Kunwari ay “baul” ang isang bahagi ng utak ng tao na tawagin nating subconscious mind. Ang mga alaala ng mga nakaraang karanasan at emosyong nakapaloob sa mga karanasang ito ay naiimbak sa “baul”. Kapag natutulog ang indibidwal, ang mga nakaimbak na alaala ay lumalabas sa baul. Ang mga alaalang ito ay nagma-manifest bilang PANAGINIP.
Mula sa paliwanag na ito, masasabi kong puwede mong imaniobra ang panaginip ayon sa iyong kagustuhan. Bago matulog ay mag-concentrate ka at ang iisipin mo lang ay ang iyong mister hanggang sa tuluyan ka nang makatulog. Maaaring hindi mo siya mapanaginipan sa unang subok. Magtiyaga ka lang at mapapanaginipan mo rin siya.
- Latest
