Sakit na tamang hinala ni misis
Dear Vanezza,
Isa akong misis na laging binabagabag ng pagseselos na may ibang babae ang aking mister. Laging naglalaro sa aking isip na baka may kinakatagpo siyang iba. Napakasakit isipin kung totoo lalo pa’t subsob ako sa gawaing bahay. Normal ba itong nadarama ko?
Kapag ginagabi ng dating ang mister ko, hindi ko maiwasan na sitahin siya kung saan siya nanggaling at kadalasan, minamasama niya ang pagtatanong ko para raw wala akong tiwala sa kanya. Nauuwi ito sa pag-aaway namin dahil daw sa sakit ko na lagi akong tamang hinala. Ano kaya ang dapat kong gawin para matiyak ko na hindi nagloloko si mister? Asahan ko po ang inyong kasagutan. - Pacing
Dear Pacing,
Ang pagseselos ay tanda ng pagmamahal. Pero kung wala sa lugar dahil walang basehan, mag-aaway nga kayo ni mister. Magtiwala ka sa asawa mo maliban na lamang kung may matutuklasang ebidensya na meron siyang iba. Kung totoo ay magpakahinahon at daanin sa mabuting usapan ang pagresolba sa problema.
Sumasaiyo,
Vanezza
- Latest
