Sa pagpanaw ng mahal sa buhay, madalas ay walang akmang salita na puwedeng sabihin para ipadama ang ating nararamdamang kalungkutan. Ganito rin ang masidhing emosyon ang nararamdaman natin sa ating pakikiramay sa mga kaibigan o kamag-anak sa pagkamatay ng kanilang mahal sa buhay.
Ang pagbibigay ng bulaklak sa oras ng pighati ay isang bagay na nagbibigay comfort sa naulila mula sa gesture ng nakikiramay o nagpadala nito.
Ang bulaklak ay simbolo ng pag-asa na kahit hindi magsalita ay parang nasabi mo na lahat, pero mayroon din etiquette na sinusunod. Dapat alam ang pagkakaiba ng bulaklak ng pakikiramay at funeral flowers.
Kapag sympathy flowers ay kailangan light ang shade at simple lang ang shape o design. Pero ang funeral flowers ay mas bold at dramatic na ang rason ay upang maalala ang taong namayapa at kung paano ginugol nito ang kanilang buhay noon. Ang sympathy flowers ay kadalasan naka-display sa burol sa tabi ng kabaong o sa funeral home kung saan welcome itong pandagdag sa mga nagpadala ng mga bulaklak. Nagbibigay din ng bouquet sa funeral lalo na kung close na kaibigan ang namayapa. Upang ipaalam sa pamilya ang pagmamalasakit kahit wala na ang kanyang kaibigan. Paalala na huwag magbibigay ng yellow roses kahit kaninong namatayan o nagdadalamhati, dahil ito ay inuugnay sa feeling of joy at happiness na hindi tugmang sentimento na gusto mong ipahayag sa naulilang pamilya.