Sekreto ni kumpare
Dear Vanezza,
Pauwi na ako ngayon sa ‘Pinas dahil tapos na ang kontrata ko pagkatapos ng tatlong taon. Nakikiusap ang kumpare ko na huwag kong ipapaalam kahit kanino lalo na sa misis niya na mayroon din siyang pamilya sa Saudi. Ibalato ko na lang daw sa kanya ang sekreto ng kumpare ko. Wala naman akong magawa dahil buhay niya yun. Pero minsan ay nakukonsensiya at naaawa ako sa mga anak at misis niya. Dapat kong bang kunsintihin si kumpare?
Jhong
Dear Jhong,
Walang lihim na hindi nabubunyag. Kahit hindi mo siya isumbong sa kanyang misis at pamilya dahil tiyak na sisingil pa rin siya ng kanyang mga ginawa. Dahil hindi natutulog ang karma at aanihin din niya ang kanyang maling nagawa. Higit sa lahat ay magbibigay siya ng sulit sa kanyang mga nagawa sa Dios balang araw.
Sumasainyo,
Vanezza
- Latest