Maraming tao ang naku-curious sa hitsura ng impyerno. At kung isa ka sa mga taong iyon, bagay na puntahan mo ang pasyalang makikita sa isang village na hindi kalayuan sa Bangkok, Thailand, ang The Monastery Garden na kilala rin sa tawag na The Wang Saen Suk Hell Garden ng mga taga-roon.
Makikita sa nasabing hardin o park ang mga eksena sa impyerno base sa Buddhist interpretation of hell.
Makikita rin sa entrance ng lugar ang “Welcome to Hell”, na tila nag-eengganyo sa iyo na pumasok at mamasyal sa loob.
Masasaksihan ang ilang eksena ng pangto-torture sa kaluluwa at doon ay makikita kung anu-anong kasalanan ang kanilang ginawa. Malinaw na ang ‘pasyalan’ na iyon ay hindi para sa mga bata na kung ipapalabas sa telebisyon ay rated SPG dahil sa sangkaterbang statue na pinahihirapan.