Mag-asawa Naglilibot sa Buong Mundo

Noong 2009, nakatira sa magandang siyudad si Kim Dinan kasama ang kanyang asawa. Mayroon silang magandang trabaho at kahit papaano ay nakakaraos sa buhay.

Sa kabila ng mga bagay na mayroon na silang mag-asawa, alam ni Kim sa sarili na parang may kulang.

Noong nasa kolehiyo si Kim, pinangarap ­niyang libutin ang buong mundo at gawing kabuhayan ang kanyang hilig sa pagsusulat.

Sa sumunod na tatlong taon, nag-ipon si Kim at ibinenta ang lahat ng mayroon silang mag-asawa. Ginamit nila ang naipon nilang pera para libutin ang buong mundo.

Kasalukuyang silang bumibyahe sa iba’t ibang lugar at natutulog lang sa tent o sa mga murang transient houses.

Samantala, tinupad din ni Kim ang kanyang pangarap na gawing propesiyon ang pagsusulat bilang blogger.

Ilan sa mga lugar na nalibot na nilang mag-asawa ay ang North America, South America, Europe, at Asia.