Maraming bagay sa paligid ang maaaring gamitin para maging kasangkapan o accent sa tahanan.
Bukod sa makakatipid ka ay marami pang mamamangha sa creativity mo sakaling maging success ang iyong project.
Nagkalat ang mga bato kung saan pero marami ang puwedeng gawin dito lalo na ‘yung malalaking pebble o kahit sandstone.
Kumuha lang ng mga bato na sa tingin n’yo ay angkop sa disenyo ng paglalagayan o kahit sa overall style ng inyong bahay.
Linisin at hugasang mabuti ang mga bato at patuyuin. Dikitan ang mga ito ng decorative metal o wood chunks gamit ang stone glue adhesive na mabibili sa mga hardware. Idikit naman ito sa dingding para maging wall hooks.
Maaari rin itong gawing cabinet handle kung babagay sa disenyon ng muwebles n’yo. Puwede rin ito sa banyo at ipares sa tabla para sa mas natural na effect.
Ito po ang inyong Kumpunerong Kuya na nagsasabing, kung gusto maraming paraan!