Maraming Pinoy ang gustong magtrabaho sa ibang bansa dahil sa mababa ang pasuweldo sa manggagawang Pinoy.
Kahit graduate ng magagandang kurso ay mababa pa rin ang ibinibigay na suweldo samantalang sa ibang bansa ay doble ang natatanggap na income ng overseas Filipino workers.
Ang isang suweldo ng OFW ay malaki nang tulong para masalo lahat ng gastusin at pag-aaral ng mga anak bukod pa sa makakaiipon mula sa natirang suweldo. Kumpara sa bansa na mataas ang ikinakaltas na income tax rates sa mga empleyado. Hindi pa kasali ang SSS premium, Pag-IBIG fund, at iba pang utang sa suweldo.
Maraming dahilan kung bakit mas pinipili ng Pinoy ang magtrabaho sa ibang bansa. Maraming kababayan ang nag-a-apply ng trabaho sa overseas dahil may trabaho na hindi kailangan ng mataas na pinag-aralan na mas malaki rin ang sahod. Katuwiran ng mga OFW na hanggang malakas at kaya pang magtrabaho ay patuloy pa rin silang makikipagsapalaran para sa pangarap ng pamilya ni Juan.