Sa edad na 3 years old hanggang sa lumalaki ang mga bata ay tinuturuan na huwag makipag-usap sa estranghero o stranger. Bilang proteksiyon upang makaiwas sa panganib ang mga ito. Tandaan hindi lang sa labas ng bahay dapat masabihan ang mga kids na huwag makipag-usap sa hindi kilala, kundi maging sa kanilang mga account sa social media .
Sa panahon ngayon sa edad pa lang ng 5 years old ay karamihan mayroon ng sariling account sa Facebook ang mga bata para maging “in” lang ang mga anak. Mismong mga magulang pa ang gumagawa ng account para sa anak kahit baby pa lang hanggang sa mga anak na 15 years old. Dahil bawal pa magkaroon ng FB account ang bata kung hindi pa ito 18 years old. So, ang matatanda pa ang gumagawa ng account ng anak sa social media na dinadaya ang edad ng bata; hindi naman mapipigilan ang paglaganap nito.
Kaya paalala lang sa mga magulang na dapat alam ng anak ang rules tulad ng kung sino lang ang dapat i-friend at i-like; lalo na kung sino lang ang dapat kausapin sa online; kung ilang oras lang paggamit ng computer sa bahay. Pero hindi naman lahat ng oras nakabantay sa mga anak lalo na sa mga teenager. Magkaroon ng oras na tanungin ang mga bata kung sino ang friend at ka-chat.
Maraming kaso ang hindi alam ng mga magulang na nabu-bully na ang mga anak sa social media. Hindi rin alam ng mga magulang ang panganib na ang minor na anak ay nakikipag-chat na sa stranger. Ilang milyon o bilyon na rin sa buong mundo ang na-corrupt na ang isipan ng mga bata dahil sa social media.
Tandaan ang prevention ang pinakamainan na plano at paraan para hindi maabuso ang mga bata, at nang hindi magsisi sa huli.