Dear Vanezza,
Pakitago na lang ako sa alyas na Snowy, 27 years old. Until now ay single pa rin po ako. Tinatanong na ako ng parents ko kung kailan ako mag-aasawa at ang laging sagot ko ay “when the right one comes alongâ€. Pero sa totoo lang ayoko ng umibig matapos akong mabigo sa unang bf kong minahal ko ng totoo. Pangatlo siya sa naging bf ko. Pero sa kanya lang akong naging seryoso at akala ko ay kami na ang magkakatuluyan. May dalawang taon nang kami’y mag-break. Ako ang nakipaghiwalay sa kanya dahil natuklasan kong may anak siya sa labas. Nagkaroon daw siya ng unang live-in partner at nagkaanak sila na ngayo’y inaalagaan niya. Pinagtaksilan daw siya nung babae at sumama sa ibang lalaki. Parang hindi ko ma-take na may naunang minahal ang mahal ko kaya ako nakipag-break. Nagpunta siya ng Canda at ang balita ko nag-asawa na siya doon. Nagsisisi ako ngayon kung bakit hindi ko siya napatawad pero napagpasyahan ko na ring huwag nang umibig pa. Pero lagi akong hindi mapakali tuwing naaalala ko ang bf ko. Ano ang gagawin ko?
Dear Snowy,
Madalas ay nakakagawa tayo ng mga bagay na pinagsisisihan natin. Kung minsan ay nakakabawi tayo pero kung minsan ay hindi na. Sa kaso mo, wala ka nang magagawa para bumawi dahil nag-asawa na ang mahal mo. The best you can do is to put the past behind you. Kalimutan mo na siya at magsimula kang muli. Maaaring mahirap gawin pero iyan ang makakabuti. Makakatagpo ka rin ng lalaking magmamahal sa’yo at mamahalin mo.