Pumirma raw uli ng kontrata sa ABS-CBN si Kathryn Bernardo!
Umugong noong nakaraang mga buwan na lilipat na ng ibang management si Kathryn nung maghiwalay sila ni Daniel Padilla.
Natuldukan na ngayon ang sitsit na ‘yon sa muli niyang pagpirma sa ABS.
Bahagi kaya ng bago niyang kontrata ang umano’y project nila ni Jericho Rosales lalo’t namataan silang magkasama sa jogging?
Si Daniel Padilla kaya may plano rin sa career niya ang ABS?
Malalaman natin ‘yan kapag lumabas na ang pelikulang ginagawa niya ngayon, huh!
Edad ni Belo, ‘di na lihim
Binisto ng isang online entertainment site ang real age ni Dra. Vicki Belo. Maging kami ay hindi alam ‘yon kahit hindi kami close.
Nilabas ang real age ni Belo na 68 years old nang niregaluhan siya ng asawa niyang si Dr. Hayden Kho ng branded bike at bag sa kaarawan niya.
Uso pa ba ‘yung sinasabing unethical sabihin ang age ng isang babae, Salve A?
(Hahaha. Wiz na. Age is just a number. Hahaha. – Salve)