Summer, pinaiyak si Paolo   

May part two ang interview kay Kapuso actor Paolo Contis ni Boy Abunda, sa kanyang Fast Talk with Boy Abunda dahil naging emosyonal si Paolo sa isang part ng interview tungkol sa mga anak niya sa previous marriage niya kay Lian Paz, sina Xonia, 12 at Xylene, 11.  Inamin ni Paolo na matagal na siyang walang communication sa mga anak, for almost seven years na. Ganoon din sa anak nila ni LJ Reyes, si Summer, na hindi na niya nakita nang umalis sila patungong New York, almost two years ago.

Lalong napaiyak si Paolo nang banggitin si Summer, dahil ang character ng anak ay parang tulad niya, maloko, si Summer na lagi raw niyang kasama noon sa shooting o taping niya, kaya masakit sa kanya nang umalis sila na pabalik pa lamang siya from Sorsogon, after niyang mag-taping ng I Left My Heart in Sorsogon, kaya hindi na niya nakita ang anak.

Alden, tinuloy ang pagtulong sa mga batang bulag

Patuloy si Asia’s Multimedia Star Alden Richards sa kanyang advocacy na tumulong, kaya naka-set na siya to appear on the cover of a new fashion Bookazine (book magazine), for the benefit of visually-impaired children under the care of charities he is supporting.

Kasama rito ni Alden ang good friend and fashion line collaborator, celebrity fashion designer, si Avel Bacudio, na nag-share rin ng exclusive photos ni Alden na kuha nila noon sa New York, para sa cover at cover feature rin ng fashion book, ang Pormang Artista: 100+ Celebrities on Fashion and Style. Bale second installment na ito ng best-selling bookazine. Mukhang Artista: 100+ Celebrities on Beauty and Make-Up with Kylie Padilla naman ang siyang cover.

Naging devoted si Alden na tulungan ang mga blind children, matapos niya mag-immersion noon kasama ang mga bulag, nang gawin niya ang GMA series niyang The Gift, na gumanap siyang isang bulag. Since then, lagi niyang naiimbita ang blind kids na mag-guest tulad noong kanyang 2018 concert. Part of the interview kay Alden, “one of the best voices I heard in my life, are these blind kids. They sing very well, regardless of their disability they can still deliver a great experience to other people through songs.”