Maria Clara…, ipapaalala ang nakaraan sa kabataan
Dahil nga nakakalimot na ang ating kabataan sa Philippine history, malaking tulong ang malapit nang ipalabas na Kapuso serye na Maria Clara at Ibarra para maalala ng kabataan ang ating nakaraan.
Talagang pinaghandaan nina Barbie Forteza, Julie Anne San Jose at Dennis Trillo ang bagong historical portal fantasy series na hango sa nobela ni Dr. Jose Rizal. Mula pananamit, kilos at pananalita ng mga karakter ay inaral talaga nila, pati nga ang pagsasalita ng Spanish ay natutunan din nila kasi nga kailangan nilang maging authentic.
Napapanahon nga ang serye na ito dahil kagaya ng karakter ni Barbie ay akala ng kabataan hindi importante ang history sa ating buhay kaya madami sa Gen Z natin ay tuluyan nang nakalimutan ito. Ipapakita rin nila ang difference ng Filipina noon sa karakter ni Maria Clara na ginagampanan ni Julie Anne at mga kababaihan ngayon sa karakter ni Barbie bilang isang Gen Z.
Exciting talaga dahil siguradong maraming matututunan ang kabataan sa Maria Clara at Ibarra.
- Latest
