Carmina at Zoren, maraming na-realize nang maghiwalay

Maraming naka-relate sa pinagdaanan ng relasyon nina Carmina Villarroel at Zoren Legaspi. Inamin ni Mina na minsan na silang naghiwalay ni Zoren at doon niya na-realize na si Zoren ang kanyang “the one.” Kuwento ni Mina: “Kasi parang nag-break kami for a while e. So noong nawala siya, doon ka na-realize na... ‘di ba ‘yun nga ‘yung sinasabi nila na kapag nawala na, madami kang realizations when the person is gone. Doon ko na-realize na ‘oh my gosh. he’s the one.’”

Sey naman ni Zoren: “Natatandaan ko nag-break kami. Pero never kasi kami naging mag-on. Never kami naging boyfriend and girlfriend. Wala siyang ligawan stage. Parang bestfriend chuchu!”

Noong mabuntis si Mina sa kambal nila ni Zoren na sina Cassy at Mavy, sa US sila nanirahan at pansamantalang iniwan ang kanilang showbiz careers.

Sa Amerika raw nasubukan ang pagiging matatag ng relasyon nina Zoren at Mina. “Kaya siguro naging well bonded kami ni Tatay because ibang klase din ‘yung pinagdaanan namin sa Amerika. I’m not saying that it’s all hardships, of course may paghihirap. That’s what makes our relationship e. Kami lang talagang dalawa, wala kaming choice kundi to take care of you and to look out for each other,” sey ni Mina na mapapanood sa GMA teleserye na Babawiin Ko Ang Lahat.

Juancho at Joyce, nag-celebrate sa kanilang healthy baby

Masayang-masaya si Juancho Trivino dahil healthy ang baby sa tiyan ng kanyang misis na si Joyce Pring pagkatapos ng second prenatal check-up nito.

Wala raw kumplikasyon ang pagbubuntis ni Joyce kahit na may pandemya pa rin sa buong mundo. Positive si Juancho na magiging maayos at masaya ang pagdala ni Joyce sa first baby nila.

Nag-share si Juancho ng video na tinititigan ng kanyang misis ang sonogram ng kanilang baby. Ito raw ang naging celebration nila sa nakaraang Valentine’s Day.

Justin Timberlake, nanghingi ng tawad sa pagiging duwag noon

Nag-issue ng public apology ang pop star na si Justin Timberlake sa former girlfriend na si Britney Spears at sa singer na si Janet Jackson. Ayon kay Justin: “I had failed them in the past.”

Nakatanggap ng bashing si Timberlake on social media dahil sa paglitaw ng interview niya 20 years ago tungkol sa naging sex life niya with Britney noong sila pa.

Lumabas ang old interview na ito ni Justin sa isang TV documentary tungkol kay Britney at napahiya raw ito noong magtapos ang relasyon nila ni Timberlake in 2002. Kinuwestyon ng media ang virginity ni Britney pagkatapos sabihin ni Justin na nag-sex na sila.

Pinagsisihan din daw ni Justin ang hindi pag-ako sa naging wardrobe malfunction ni Janet Jackson during the 2004 Super Bowl kung saan biglang na-expose ang breast ni Jackson on stage. Tumahimik lang daw siya at pinabayaan niyang si Janet ang sumalo ng matitinding criticisms mula sa maraming tao.

“I specifically want to apologize to Britney Spears and Janet Jackson both individually, because I care for and respect these women and I know I failed, “ caption ni Timberlake sa kanyang post sa Instagram.

Sey pa ng singer na sana ay naging matapang siya noon sa pagtanggol noon kina Britney at Janet. “I understand that I fell short in these moments and in many others and benefited from a system that condones misogyny and racism. Because of my ignorance, I didn’t recognize it for all that it was while it was happening in my own life.”