Andi, handa nang magluwal ng baby boy

Malapit nang magsilang ang aktres na si Andi Eigenmann kaya nag-post siya sa kanyang Instagram ng kanilang photoshoot: “A quick DIY photoshoot at home for more memories of my pregnant belly. Just one of the last minute stuff we didn’t want to regret not doing for when this is all over, hahaha! We haven’t prepared as much as the last one. (Definitely more chill this time around), but this experience is just as exciting and special for us as the last.  Our little islandboy is yet another symbol of our love and we feel more than blessed to have these precious littles to raise and nurture together, and grow with too. I am 38+ weeks pregnant today and we are feeling just about ready to meet this darling boy!”

Masaya sina Andie at surfer na si Philmar Alipayo dahil baby boy na ang isisilang ni Andi.  Dalawang baby girl ang anak nila, si Ellie sa dating boyfriend niyang si Jake Ejercito at si Lilo ang first child nila ni Philmar.

Nova at AiAi, pareho na

Ang aktres na si Nova Villa o si Novellita Gallegos, ang binigyan ngayon ni Santo Papa (Pope Francis) bilang isang “condecorado” or “Pro Ecclecia et Pontifice,” na ang ibig sabihin ay “para sa simbahan at sa Santo Papa,” na iginagawad sa mga laiko na may nagawa para sa simbahan at pananampalataya. Si Nova ay nominated ni Bishop Emeritus ng Novaliches Bishop Antonio Tobias.

Si Nova ay naglilingkod sa San Lorenzo Ruiz Parish, Diocese of Novaliches bilang member ng Mother Butler Guild at tumutulong din sa iba pang gawain ng parish.

Iginawad kay Nova ang karangalan sa isang ceremony ng pagtatalaga bilang condecorado last January 14, ni Bishop Robert Gaa DD, kasama si Bishop Tobias at parish priest na si Rev. Fr. Niño Etulle at iba pang pari ng Vicariate ng San Isidro Labrador. Dumalo rin ang isa pang condecorado, si Ms. AiAi delas Alas.

Rayver , naging busy 

Ngayong nasa ABS-CBN na ang girlfriend na si Janine Gutierrez, nagpaabot naman sa Twitter ang boyfriend niyang si Rayver Cruz ng maikling mensahe sa kanya. “Soar high my love, will always be your number one fan.”

Masaya ang fans nina Rayver at Janine nang lumipat ang actor sa GMA Network in 2018, at wish nilang magkasama sa isang project ang dalawa.  But that time, ginagawa ni Janine ang Dragon Lady at si Rayver ay nakatambal si Megan Young sa Hanggang Sa Dulo ng Buhay Ko. Naging busy na si Rayver sa iba pang projects like twice na siyang naging panel host ng musical contest na The Clash at every Sunday sa All-Out Sundays. May sisimulan siyang bagong teleserye sa GMA Network.