Inani na ni Dawn Zulueta ang mga gulay na itinamin niya sa kanyang vegetable garden sa bahay.
Sa kanyang Instagram, ipinakita ni Dawn ang ginawang tower garden sa bahay nila sa gitna ng siyudad.
Saad ng aktres sa IG, “I wanted to try urban gardening or urban farming. Now look, I am already able to harvest lettuce, kangkong, basil, and spinach to make a fresh salad.”
Ang iba pang gulay na itinamin ni Dawn ay okra, talong at arugula.
Bukod kay Dawn, ang iba pang artista na naaaliw sa pagtatanim dahil sa enhanced community quarantine ay sina Mylene Dizon, Kyline Alcantara at Ormoc City Mayor Richard Gomez.
Mother Lily nagpa-live sa pagtugtog ng piano
Nagpasiklab si Mother Lily Monteverde ng husay niya sa pagtugtog ng piano upang maghatid ng inspirasyon at magpasalamat sa blessings sa gitna ng ECQ.
Sa bahay sa Greenhills ginawa ni Mother ang piano concert niya at napanood sa Facebook page ng Regal.
Hindi fund-raising ang piano concert ni Mother. Umani ito ng papuri at maraming views sa talentong ipinamalas niya.