Daming napa-wow sa bagong single ni KZ Tandingan na Raise Your Flag, inspired mismo kay Miss Universe 2018 Catriona Gray na composed at music nina Jonathan Manalo at Trisha Denise.
Ang ganda ng kanta, nakaka-proud tuloy maging Pinoy. Pinapahiwatig dito ang muling pagbubuklod, hindi lang sa bansa kung hindi sa ibang sulok din ng mundo.
Nakakatuwa na pati si Catriona ay na-LSS sa kanta. Alam na alam niya na agad ang lyrics. Request tuloy ng mga tao na bigyan din sana ng version si Queen Cat ng nasabing single lalo’t ang dami nitong guestings na hinihingan siya ng sample ng kanta since singer din ito.
Ngayon pa lang ay hinihiling na ng mga tao sa social media at sa lahat ng digital music platform na sana ay gawing themesong ang kanta ni KZ para sa darating na South East Asian Games 2019 na swak sa event upang iwagayway muli ang bandera ng mga Pinoy.