Alden walang pakialam sa mga namimintas sa kanyang katawan

Biktima rin ng body shaming si Alden Richards dahil sa paglabas niya bilang isang superhero sa coming series niyang Victor Magtanggol. Expected ng mga nanalalait sa katawan niya na lumabas na bortang-borta ang dating niya.

“I don’t really mind kasi kung saan ako komportable sa katawan ko, doon ako. Hindi naman ako papuntang bodybuilder if that’s they want me to do. I don’t really mind comments abot my weight anymore.

“People who say those kind of stuffs to you, they are protecting ‘yung insecurity nila towards you. Sila sa sarili nila, they are insecure.

“Madaling sabihin kasi na huwag pansinin, pero you really have to find your core to be able to endure those kinds of comments kasi hindi madali eh. It’s not easy but tolerable. Kaya mo namang i-train ‘yung feelings mo to not feel hurt when you hear those kinds of comments,” pahayag ni Alden.

Ayon pa sa Pambansang Bae, ikinatutuwa naman niya ang positibong comments at feedbacks sa kanyang costume kaya inspirado siya sa pagti-taping ng series na malapit nang mapanood.

Galing ni Christian pinalutang ni Direk Chito

Isang sikat na sikat na aktres ang pasok sa pelikula ni Chito Roño na Signal Rock, isa sa official entries sa Pista ng Pelikulang Pilipino 2018. Take note na hindi nagpabayad ang aktres at friendship sa direktor ang rason niya kaya pinagbigyan ang award-winning director.

Sa pelikulang ito, tiyak na maraming maiinggit na baguhang artista kay Christian Bables dahil pinalutang talaga ni direk Chito ang husay niya sa pag-arte. Magpapaiyak kasi siya rito nang husto kumpara sa performance niya sa festival entry na Die Beautiful na light man ang role eh markado naman ang acting sa manonood.

Aba, trailer pa lang ng Signal Rock, touched na touched na si Mother Lily sa husay ni Christian, huh! “I want to help him! Ang galing-galing niya,” sey ni Mother kay Christian.

Eh, malay natin, sa nasabing movie, hindi na Best Supporting Actor ang makuha kung hindi Best Actor na ng PPP 2018, huh!