KC super dedma na kina Sharon and Gabby
MANILA, Philippines — Nakakaaliw ang IG story ni KC Concepcion na nagluluto ng tinawag niyang Filipino Adobo. Sabi nito, “inspired by ate @officialjuday’s love for cooking!!! Survived ny first try at Filipino Chicken Adobo.” Makikita rin ang comment ni Judy Ann ng emoji na pumapalakpak.
Kakaiba ang Chicken Adobo ni KC na galing kay Judy Ann ang recipe dahil may kasama itong calamansi. Marami tuloy ang gustong gayahin ang ingredients niya.
May nagtanong kay KC kung kumakain na uli siya ng meat dahil sa isa nitong post, parang medium rare steak ang nakahain at handa na niyang kainin. Hindi nga lang sinagot ni KC ang tanong.
Isa pang napansin kay KC ng kanyang followers, hindi ito nagko-comment sa mga post ni Sharon Cuneta patungkol sa dad niyang si Gabby Concepcion. In fact, tahimik si KC kahit sa time na sinasabing may tampuhan sila ni Sharon. Tahimik lang siya, kaya lalo siyang nagustuhan ng kanyang supporters.
Loveteam buwag na Ruru nag-‘I love you’ sa crush, Gabbi at Khalil ‘di na magtatago
Sinundan ni Gabbi Garcia ng sulat ang release ng official statement ng GMA Artist Center na buwag na ang love team nila ni Ruru Madrid.
Sabi ng GMA Artist Center: “As GMA Network’s home-grown talents, we want to give Ruru and Gabbi various projects that will develop their full potential as artists. We want to explore various possibilities and by now, they will have individual projects. We fully support their careers and likewise assure their fans and followers that they will still be seen in different Kapuso programs.”
Sa kanyang letter, nagpasalamat si Gabbi sa apat na taong suporta ng fans sa love team nila ni Ruru. Bago ang sulat, may tweet itong, “I just don’t see the point. Why always put the blame on me? I remained loyal since 2014. Idk i just really don’t see the point.”
Samantala, parang ang official statement lang ng GMAAC na buwag na ang love team nila ni Gabbi ang hinintay ni Ruru para magkalakas ng loob na mag-“I love you” kay Camila Mendes, gumaganap na Veronica Lodge sa Riverdale. Magiging open na rin siguro si Ruru sa pag-amin sa mga crushes at niligawan niya.
Magiging open na rin siguro sina Gabbi at Khalil Ramos kung anuman ang relasyon nila dahil wala na ang GabRu love team at wala ng fans na magagalit sa kanya at mamba-bash kay Khalil.
- Latest
