MANILA, Philippines - Mas titindi pa ang mga kaganapan sa Kapamilya serye na The Better Half dahil mangyayari na ang paghaharap na pinakahihintay ng lahat sa pagtatagpo ng mga landas ng orihinal na mag-asawang sina Marco (Carlo Aquino) at Camille (Shaina Magdayao), pati na rin ng mga bago nilang asawang sina Bianca (Denise Laurel) at Rafael (JC De Vera) ngayong Biyernes (Mar 10).
Sa pag-aakalang maayos na ang lahat, mistulang babangon mula sa hukay ang nakaraan sa pagku-krus ng landas nina Camille at Marco, na siya namang muling magdudugtong sa kanilang mga buhay at panibagong pamilya.
Anong gagawin ni Camille kapag nalaman nitong buhay pa si Marco? Ano kaya ang maidudulot nito sa kasalukuyang pagsasama nila ng kanilang mga asawa? Maipaglaban kaya nila ang kanilang tunay na better half?
Samantala, iparamdam ang pagmamahal at suporta sa The Better Half at gamitin ang official hashtag ng palabas na #TBHSalpukan.
Panoorin ang mga buhay na pinagsama-sama at sinira ng pag-ibig sa The Better Half, pagkatapos ng It’s Showtime sa ABS-CBN.