Tiyak na magagamit ni Angelica Panganiban ang kanyang pinagdaraanan sa break up nila ni John Lloyd Cruz sa bagong pelikulang gagawin nito na The Unmarried Wife under Star Cinema.
Bongga ang casting dahil makakasama ni Angelica sina Dingdong Dantes at Paulo Avelino sa direksiyon ni Maryo delos Reyes.
Gagampanan ni Angelica sa nasabing movie ang role ng isang babaeng palaban, adventurous, marunong i-handle ang sarili, career, pamilya, at maging ang relasyon sa kanyang mga dyowa.
Maraming fans nga ang naghihintay sa mga pakakawalang hugot lines ni Angelica sa movie.
Samantala, isa si Angelica sa mga artista na madalas makatikim sa bashers. Tulad nang mag-guest si Angelica last Sunday sa Gandang Gabi Vice na hindi nalimutan ng mga netizen na parang kailan lang din nang magpahayag ito sa GGV na siya ang huling nagwagi sa kanila ni Shaina Magdangal dahil siya ang pinili ni John Lloyd.
Comment ng mga netizen na hindi dapat nagsasalita ng tapos si Angge dahil ngayon ay pareho na silang nganga ni Shaina.