Laruang tutubi, natuklasang mabisa na pantaboy ng lamok sa Japan!
ISANG kompanya sa Japan ang nagbebenta ngayon ng keychain na tutubi na diumano’y mabisang pantaboy ng lamok at sa iba pang insekto!
Sa pag-aaral ng mga siyentipiko, ang mga tutubi ang pinaka-successful na predator sa animal kingdom at mayroon silang 95% success rate sa paghuli sa kanilang mga kalaban. Dahil dito, marami sa mga maliliit na insekto ang takot sa tutubi.
Kaya naisipan ng Japanese company na Miki Locos Co. Ltd. na gumawa ng keychain na mukhang tutubi bilang pantaboy sa lamok at iba pang insekto. Sa panayam sa spokesperson ng kumpanya, ginawa nila ito para sa mga taong gustong umiwas sa lamok nang hindi gumagamit ng kahit anong kemikal.
Gawa sa plastic ang keychain na tutubi at meron itong sukat na 10cm x 13cm. Maaari itong ikuwintas bilang pendant o i-clip sa sombrero. Sa unang tingin ay mapagkakamalan na totoong tutubi ang keychain.
Ayon sa mga Twitter users na nakagamit na ng keychain, mabisa ang produkto at maihahalintulad sa mosquito repellent lotion ang pagiging epektibo nito.
- Latest