The best advice…

1. Mag-ipon ng pera. Hindi importante kung maliit man iyan o malaki. Basta’t siguraduhing may naitago kang pera kada linggo. Napakasarap ng pakiramdam na may pera ka pagsapit ng iyong pagtanda.

2. Pag-aralang mag-isa at maging independent. Kaunti lang ang may ganyang skill.

3. Bago maghintay na may magmahal sa iyo, mahalin mo muna ang iyong sarili.

4. Huwag hangarin na maging mas magaling kaysa ibang tao kundi maging mas magaling­ sa dati mong kakayahan.

5. Huwag kang magagalit sa mga taong hiningan mo ng tulong pero tinanggihan ka. Tandaan mo ang sinabi noon ni Albert Einstein: I am thankful to all those who said NO. Because­ of them, I did it myself”.

6. Para sa mga Ina: Kung paano mo tinatrato ang iyong mister, ang magiging basehan ng iyong anak na lalaki kung anong klseng babae ang kanyang pakakasalan pagdating ng araw. Maaaring ikaw ang magiging modelo ng babaeng pakakasalan niya o modelo ng babaeng iiwasan niyang ligawan.

7. The 72-hour rule sa friendship: Kung alam nila na may masakit kang pinagdadaanan at sa loob ng 72 hours ay hindi sila nagpaparamdam para i-check kung okey ka na…move on. Oras na para maghanap ka ng bagong friends. Hindi ka importante sa kanila.

8. Mahalin mo muna ang iyong sarili, sa ganitong paraan makikita ng ibang tao kung paano ka nila dapat tratuhin.

9. Ang buhay ay gulong ng palad. Mas mainam na maging mabait sa lahat ng tao sa lahat ng oras. Para kapag nasa ilalim ka, maraming bubuhat sa iyo upang dalhin ka sa ibabaw.

10. Huwag mong ipagtatapat sa kasalukuyang karelasyon ang lahat ng sikreto mo. He will use it against you later.