Presyo ng diesel tataas pa, rollback naman sa gasolina

MANILA, Philippines — Isa namang pagtataas sa presyo ng krudo ang inaasahang ipatutupad ng mga oil companies sa susunod na linggo pero bababa naman ang presyo ng gasolina.

Ayon sa Unioil Petroleum Philippines na ang kanilang fuel price forecast para sa petsang May 31 hanggang Hunyo 6, 2022 ay magtataas sa presyo ng krudo ng P1.00 hanggang P1.20 kada litro.

Ang presyo naman ng gasolina ay maaaring bumaba ng mula P1.50 at P1.60 kada litro dulot ng galaw ng pres­yuhan ng petroleum products sa merkado.

Bunga nito, asahan na ng motorista na sa susunod na linggo ay mararamdaman ang pagtaas ng halaga ng krudo at pagbaba ng halaga kada litro ng gasolina.