Drug suspect timbog sa P6.9 milyong shabu

MANILA, Philippines — Naaresto ng mga otoridad ang isang drug suspect sa isinagawang buy-bust operation sa Quezon City, kamakalawa ng gabi.

Kinilala ang naarestong suspek na si Mohammad Bocua, 27, ng Brgy. Holy Spirit, Quezon City.

Sa ulat, bago naaresto ang suspek, alas-6:10 ng gabi sa parking lot 2 ng isang kilalang mall sa Commonwealth, Brgy. Batasan Hills ay isang pulis ang umaktong poseur buyer at nang makabili ng P1,000 halaga ng shabu.

Sa gitna ng transaction ay inaresto ang suspek at nakumpiska ang 1 kilo ng shabu na nagkakahalaga ng P6.9 milyon at cellphone na ginamit sa drug transaction.

Kasalukuyang nakapiit na ang suspek at kakasuhan ng paglabag sa Republic Act 9165 o The Comprehensive Dangerous Drugs Act of 2002.