Points promo ng Globe nagbabalik para sa 917
MANILA, Philippines — Kaugnay sa pagdiriwang ng Globe sa 917 Day nito, muling magkakaroon ng opsiyon ang Globe at TM customers na i-convert ang kanilang unused data sa Globe Rewards points mula September 15 hanggang 30, 2021.
Ang 917 ay ang original at iconic prefix ng Globe na ipinagdiriwang tuwing September 17 ay nakatuon na maranasan ng mga customer ang #GDayEveryday.
Bahagi ng selebrasyon ang pagkakaloob ng Globe sa lahat ng Prepaid, Postpaid, Platinum, TM, at Globe At Home Prepaid WiFi customers nito ng mas maraming paraan para makakuha ng Rewards points nang sa gayon ay higit nilang ma-enjoy ang iba’t ibang GDay activities na nakalinya para sa kanila.
Ang mga points na mare-redeem ay maaaring gamitin para sa discounts at freebies mula sa mga partner ng Globe Rewards, kabilang ang video streaming at gaming platforms, food establishments, online shopping at delivery services, at healthcare offers.
Maaari ring i-donate ang extra points sa alinman sa 15 community partners ng Globe, na may kinalaman sa iba’t ibang adbokasiya mula reforestation, health, education, at iba pa na makikita sa New Globe One app.
- Latest
