PVL 2nd Conference sa Pebrero na lang

MANILA, Philippines — Iniurong ng Premier Volleyball League (PVL) ang pagdaraos ng second conference nito sa Peb-rero sa susunod na taon.

Nagdesisyon ang pamunuan ng liga na ganapin na lamang sa 2022 ang second conference dahil sa kasalukuyang sitwasyon ng coronavirus disease (COVID-19) sa bansa.

Orihinal sanang target ng PVL na magsagawa ng second conference sa Oktubre o Nobyembre su-balit ipinagpaliban ito dahil tumaas ang bilang ng mga tinatamaan ng COVID-19.

Mismong si Games and Amusements Board (GAB) chairman Baham Mitra ang nagkumpirma matapos itong iparating sa kanyang tanggapan ni PVL president Ricky Palou.

“According to Ricky, they have decided to resume their league in Feb-ruary 2022. He told me that he had a meeting with the team owners and they agreed to let the (Covid-19 cases go down before they hold their second conference),” ani Mitra.

Umaasa si Mitra na magiging maayos na ang lahat para matagumpay na mairaos ang second confence sa susunod na taon. Matatandaang gumamit ng bubble setup ang PVL nang itanghal nito ang Open Conference sa Bacarra, Ilocos Norte na pinagreynahan ng Chery Tiggo Crossovers.

Sa oras na maayos na ang lahat, posible ring buksan na ang mga laro sa limitadong bilang ng live audience.

“While we would want things to normalize so that we can have a live audience watching the games, we don’t see this happening soon,” ani Mitra.