CEBU, Philippines — Ang Minnesota Timberwolves nakabawi human malubong og 12 puntos sa ikatulong kuwarter aron bihagon ag Golden State Warriors, 104-101, sa NBA kagahapong adlawa didto sa Chase Center sa San Fracisco, California.
Apan ang resulta nasapawan sa rambol nga nahitabo tali sa duha ka mga koponan sa unang kuwarter diin ang duha ka bitoon sa Golden State nga sila si Klay Thompson ug Draymond Green na-ejected ingon man si Jaden McDaniels sa Minnesoya.
Si Thompson na-thrown out human sa pisikal nga alterkasyon nilang McDaniels sa tunga sa korte diin nagisi ang uniporme sa All-Star forward sa Warriors.
Samtang si Green na-ejected sab human iyang gilayog si Rudy Gobert sa Wolves.
Nasuko hinoon si Warriors coach Steve Kerr sa pagpagawas ni Thompson sa korte samtang iyang gidepensaan si Green nga igo lamang nanalipod sa iyang kauban.
"There is no way Klay should have been thrown out of the game," matud pa ni Kerr. "He's running up the floor and the guy grabs his jersey and is pulling on him, so Klay pulls back... that was ridiculous."
"Guys on the bench were telling us Rudy had Klay, that's why Draymond went at Rudy. That's all I know - it was a bizarre way to start the game, a minute and a half in," dugang pa ni Kerr.