Sotto gibangko lang gihapon sa Magic

CEBU, Philippines — Sa ikatulong higayun gibangko nasad si Kai sotto sa Orlando Magic batok sa New York Knicks 82-80, pinaagi sa overtime niadtong adlaw nga Miyerkules (Huwebes sa Pilipinas) sa nagpadayong kombate sa NBA Summer League.

Sama sa gihapon, nag-aso aso sa pagsaway pinaagi sa Twitter ang kadagkoan sa Orlando Magic sa pagbangko sa ikatulong higayon kang Sotto.

Daghan ang nagtuo nga gamit  kaayo ang gidak-on ni Sotto aron madepensahan ilang board gikan sa mga opensa sa Knicks, apan bisan usa ka Segundo wala siya pasudlan ni coach Dylan Murphy.

 Mao gihapon ang starting five sa Magic  nga silang DJ Wilson giubanan sa duha ka lottery pick nga silang Jett howard ug Anthony Black.

Sa sinugdanan kontrolado sa Magic  ang duwa sa first quarter, si Howard maoy namuntos nipuno sad og unom ka puntos si  Black, nahuman ang first kwarter sa iskor nga 19-23 pabor sa Orlando.

Sa second kwarter nabali ang duwa, nakuha sa Knicks ang labaw, si Howard gihapon ang nagdala sa Magic, natagaan sad og playing  time ang import sa una sa PBA nga si Malcolm Hill. Natabla ang iskor sa second kwarter 41-41  pinaagi sa corner layup ni Quinndary Weatherspoon.

Naabot nalang ang third kwarter wala gihapon pasudla si Sotto,ning puntoha labaw na og napulo ang Magic.

Apan pagabot sa fourth quarter hinay-hinay nga nakabawi ang Knicks hangtud nalabwan og dos puntos 75-73. Si Howard misuway og itsa og tres apan nasipyat, nakuha ni Black ang bola ug nakombirtir niya kining dos puntos aron magtabla, apan napupos na ang oras hinungdan sa overtime.

Sa overtime, naghinamhinam bisan sa kataposang lima ka minutos  ang fans ni Sotto tungod kay dako kaayo siya og matabang sa depensa, apan sa gihapon, wala siya pasudlan ni Murphy.

Si Martin sa Knicks mihandos padung ring bisan tulo ang nagbantay kaniya ug nakombirtir kini nga puntos.

Gipangulohan ni QJ Peterson ang Knicks kinsa nakatala og 18 puntos ug gisundan ni  Charlie Brown Jr. nga adunay 15 Puntos.

Samtang si Jett Howard sa Magic nakapupo og 22 puntos ug gisundan ni Weathersppon sa iyang 17 puntos. Bisan man nahuman na ang duwa adunay mga fans sa arena nag sige ug syagit og “We want Sotto!”

Sunod makontra sa Magic mao ang Trail Blazers karong adlawa ug posible nga mao na kini ang kataposan nilang duwa  tungod kay dili na sila ka makaabante pa sa knockout rounds tungod sa tulo ka sagunsong pildi ug walay daog bisan usa, 18 ra ka koponan ang  moabante. (BANAT NEWS)