Gabunilas vs Fajardo magbinukbokay karong Agosto
CEBU, Philippines — Gikatakdang magbinukbokay ibabaw sa ring sila si world-ranked rising-stars John Paul Gabunilas ug Mel Fajardo aron ilogan ang bakanteng OBPF Light Flyweight Strap.
Ang ilang sangka anha mahitabo sa Waterfront Hotel & Casino, Barangay Lahug, karong Agosto 15 sud sa napulo ka rounds sumala pa sa Philboxing.com.
Ang duha parehong mga batan-on ug nagtinguhang mamahimong mga world champions.
Si Gabunilas,22, lumad nga taga Cebu City, mao ang kanhi OBPF Youth Champion, ug WBO Youth titlist ug gibansagang “Angas ng Cebu” nagbitbit og 10-1, 7 KO nga kartada.
Ang iyang makaatubang mao si world-ranked Mel Fajardo nga gibansagang “The Silent Assassin” nga taga Agusan Del Sur nga naghupot sab og 10-1-2, 9 KO.
Si Gabunilas kataposang misaka sa ring didto sa Thailand niadtong bulan sa Disyembre diin sulod lang sa 10-segundos iyang ggipatikangkang ang iyang kaatbang.
Si Fajardo sa pikas bahin, mao ang world ranked sa WBO #12, WBC #15, WBA #5 and IBF #7.
Makapaabot ang mga boxing fans og walay sama nga kombate tali sa duha tungod kay sila parehong world-ranked boxers, mga batan-on pa: Fajardo 23, Gabunillas 22, parehong orthodox fighters ug talagsaong kakilas ug kusog sa kumo.
Parehong maabilidad, maayo pagka-train ubos sa mga maayong boxing coaches ug paherong gustong moabante sa taas aron mahatagan og tsansang makasangka sa world titles.—IBM
- Latest
