Zynergia milubong buhi sa JMD Automotive sa Javier Ceramics Cup
CEBU, Philippines — Dili tiaw ang gipakitang duwa sa |Zynergia kay ilang gilubong og tagaliog ang JMD Automotive, 84-49 pagtapos sa elimination round sa Javier Ceramics Cup 2023 niadtong Domingo diha sa Ateneo de Cebu sa Mango Avenue, Cebu City.
Hinuon, mag-abot pa sila sa katapusang higayon sa tagakay nga quarterfinals karong Domingo sa alas-7 sa gabii.
Si Brixter Villarias mipabuhagay og 24 puntos uban ang pito ka rebounds ug upat ka assists aron mangu sa scoring sa Zynergia ingon man best player of the game. Si Dan Cardenas mipupo og 13 puntos ni team manager Alvin Taneo.
Nangu sab sa pilderong JMD ni Gerald Dilao mao si Lucky Mendoza nga miantog og 12 puntos.
Sa laing aksyon, ang Donling Aircon and Refrigeration Services nakadaginot pa gyud og daog pinaagi sa pagpilde sa CJL Sniper, 74-60.
Gipangulohan sa best player niining si Ranny Colansi ang daog pinaagi sa iyang 15 puntos, duha ka rebounds ug tulo ka assists.
Si Roldan Daug mikabkab og 14 puntos, samtang si Michael Adolfo miugkat og 11 puntos sa team ni Romeo Quilaton Jr.
Ang CJL Sniper nga wala gyud katiklo bisan usa ka daog sa pito ka duwa ning maong liga nga giorganisar sa Brothers Ball League gipangulohan ni Nico Cojo nga mipabuto og 22 puntos, gisundan nilang Jimmy Fernan ug sa team manager niining si James Lapinid nga mikadlit og12 puntos matag usa.
- Latest
