Eliminasyon sa CESAFI basketball tak-opon
CEBU, Philippines — Ang eliminasyon sa 2022 Cebu Schools Athletic Foundation, Inc. (CESAFI) basketball season mahuman karong adlawa uban ang duha ka mga duwa sa juniors division sa Cebu Coliseum.
Sa pasiunang duwa sa alas 5:15 sa hapon, ang Sacred Heart School-Ateneo de Cebu (SHS-AdC) Magis Eagles makigharong sa Cebu Institute of Technology-University (CIT-U) Baby Wildcats, samtang ang University of Cebu (UC) Baby Webmasters makigbugno sa University of Southern Philippines Foundation (USPF) Baby Panthers sa main game sa alas 6:45 sa gabii.
Bisan unsa pay resulta hinoon, ang Magis Eagles segurado nang mo-angkon sa ikaduhang luna nga makahatag kanila og twice-to-beat advantage sa Final Four uban ang 7-1 win-loss record.
Samtang ang 6-2 nga Baby Webmasters motapos isip no.3 seed modaog man o mapilde batok sa Baby Panthers.
Ang malisud nga tahas anaa sa Baby Wildcats ug Baby Panthers. Parehong nagkupot og 4-4 nga baraha, gikinahanglan sila nga mosaog aron pahayagan ang naka-awop nilang tsansa nga makasud sa semis.
Nilang duha, ang Baby Wildcats dunay mas dakong tsansa. Kon ugaling ilang mabihag ang Magis Eagles, ang Baby Wildcats maoy mobira sa ikaupat ug katapusang luna sa semis kay ilang mang tagakon ang 5-4 University of the Visayas (UV) Baby Lancers pinaagi sa winner-over-the-other rule.
- Latest