Colonia bumuhat ng 2 ginto sa Asian Youth weightlifting
MANILA, Philippines — Umagaw ng eksena si Angeline Colonia matapos magposte ng mga bagong world at Asian records sa Asian Youth and Junior Weightlifting Championships sa Tashkent, Uzbekistan.
Binuhat ng 15-anyos na si Colonia ang 62 kilograms sa snatch para burahin ang world at Asian youth standard na 61kgs at angkinin ang gold medal sa women’s 40kg category.
Sinira rin ni Colonia ang dating total lift mark na 134kgs para sa bago niyang continental youth standard na 134 kgs kasunod sina Vietnamese Duong Thi Kim Yen (129 kg) at Indian Kishor Akahksha Vyachare (125kg).
“She snatch 62 kgs, she won 2 gold in Asian Youth and Junior Weightlifting Championship in the 40 kgs category,” sabi ni Tokyo Olympics gold medalist Hidilyn Diaz kay Colonia sa kanyang Facebook post. “It was a youth world record! Wow!.”
Ngunit minalas ang kapatid ni 2016 Rio De Janeiro Olympian Nestor Colonia na masikwat ang gold medal sa clean and jerk sa kanyang 72kgs sa ilalim ng 73kg ni Duong Thi.
Isa si Colonia sa mga batang Pinay weightlifting champions ng Pinas kasama sina Asian champion Vanessa Sarno at magkapatid na Rosegie at Rose Jean Ramos.
Samantala, nag-ambag si Prince Keil de los Santos ng dalawang bronze me-dals (clean and jerk at overall) sa men’s 49kg category.
- Latest