Cycling championships sa June 21-24
MANILA, Philippines — Magbabalik sa kalsada ang mga siklista sa pagpadyak ng PhilCycling National Championships for Road sa Hunyo 21-24 sa Tagaytay City.
Ito ay matapos mawala ang mga karera ng dalawang taon dahil sa COVID-19 pandemic.
“With the pandemic restrictions eased, it’s high time to bring the National Championships back on the road,” sabi ni Philippine Olympic Committee (POC) at cycling federation president Abraham ‘Bambol’ Tolentino.
Itatampok sa national championships ang road race, individual time trial at criterium para sa men at women elite, under-23, juniors (17-18) at youth (16-under).
Sasalain ang mga lalahok na siklista dahil papadyak lamang sa national championships ang mga may potensyal na maging national athletes.
Ang top five riders sa road races, top three sa criterium at top two sa ITT ay isasama sa national team mula Hulyo 1 hanggang Disyembre 31, 2022.
Magdaraos rin ang PhilCycling ng national championship para sa mountain bike sa Hunyo 10-12 at BMX sa Hunyo 25-26.
- Latest