PBA-China friendly suportado ni MVP
MANILA, Philippines — Suportado ni business tycoon Manny V. Pangilinan ang planong friendly match sa pagitan ng Philippine Basketball Association (PBA) stars at Chinese national team.
Inihayag ni Pangilinan ang pagsuporta nito sa kanyang social media account.
“Yes to Ricky Vargas’ China friendly,” ani Pangilinan na siya ring team owner ng PBA teams na Talk ’N Text, NLEX at Meralco.
Inilabas ni PBA chairman at TNT governor Ricky Vargas ang ideya nito na magharap ang PBA stars at Chinese squad upang magsilbing pampalabok bago simulan ang Season 46.
“A bit of an oxymoron nowadays. But hey, if it helps break the pressure and provide relief to our people, let’s go PBA,” ani Pangilinan na chairman emeritus ng Samahang Basketbol ng Pilipinas (SBP).
Nais ni Vargas na si NLEX head coach Yeng Guiao ang humawak sa PBA-select team.
“My wish is a best-of-7 Phil Sea Cup Championship between China and select players of PBA warriors Coach by Yeng Guiao. Sama ako (count me in) anywhere friendlies,” ani Vargas.
Naging usap-usapan ito dahil sa inilabas ni Vargas na birthday wishes para sa PBA na nagdiwang ng ika-46 kaarawan noong Biyernes.
- Latest