Protocols sa balik-ensayo ng national athletes kasado na
MANILA, Philippines — Sakali mang mabigyan sila ng ‘green light’ para sa pagbabalik-ensayo ng mga national athletes ay hindi maaaring magkaroon ng kapalpakan ang Philippine Sports Commission (PSC) sa kanilang ilalatag na health at safety protocols.
Dahil ayon kay PSC chairman William ‘Butch’ Ramirez, isang atleta lamang ang magpositibo sa coronavirus disease (COVID-19) ay mahihinto ito.
“Napaka-strikto nitong protocol na ito. It’s stricter than the PBA,” ani Ramirez sa kanilang 10-point protocol. “And if you are not able to observe this, I will not allow any practice. Although there is an autonomy of our partners, we have the judgement to call.”
“I will not allow because ang pananaw ng PSC, kapag isa lang ang ma-infect, isasara rin namin ang training,” dagdag pa ng PSC chief.
Wala pa ring ibinibigay na ‘go signal’ ang Inter-Agency Task Force (IATF) para sa pagbabalik-ensayo ng mga atleta sa gitna ng COVID-19 pandemic.
Plano ng PSC na ipasok ang mga atleta sa ‘bubble’ training sa Inspire Sports Academy sa Calamba, Laguna at ang basbas na lamang ng IATF ang hinihintay ni Ramirez.
- Latest
