Kobe, Duncan, Garnett ibayaw sa Hall of Fame sunod tuig
CEBU, Philippines — Sila si NBA legends Kobe Bryant, Tim Duncan ug Kevin Garnett gikatakda nga ibayaw sa
Basketball Hall of Fame sa usa ka simpol, apan mahinungdanong seremonyas unya sa Mayo 13-15 sunod tuig.
Gikatakda unta silang pasidunggan niadtong Agosto, apan wala kini mahinayon tungod sa pandemiya.
Sa kinatibuk-an sa mabulukon nilang mga karera, sila si Bryant, Duncan ug Garnett nakapakita'g aksiyon sa All-Star Game sud sa 48 ka higayon ug nakadaog og tinigom nga 11 ka kampiyonato.
Si Bryant namatay sa helicopter crash niadtong Enero 26 uban ang anak niyang si Gianna ug lain pang pito ka tawo.
Kauban nilang Bryant nga pasidunggan mao si kanhi FIBA Secretary General Patrick Baumann nga gipili sa international committee. Si Baumann namatay niadtong Oktubre 2018.
- Latest
