Dul-an sa 80 ka tawo nadakpan: Kagubot miulbo human kadaogan sa Lakers

CEBU, Philippines — Dul-an sa 80 ka mga tawo ang gipangdakop ug walo ka mga polis ang nangaangol niadtong Lunes sa gabii dayon na ngadto sa Martes sa kaadlawon didto sa downtown Los Angeles dihang ang Lakers fans nagkagubot human gilangkat sa ilang team ang ika-17 niining kampiyonato sa NBA.     

Sa usa ka pamahayag, ang LA Police Deparment nagkanayon nga ang nagsugod nga usa ka malinawon nga selebrasyon nahimong usa ka dakong gusot ug bayolente nga hitabo.

Segun sa mga otoridad, kapin usa ka libo ka fans sa Lakers ang nagtapok didto sa Staples Center, ang homecourt sa Lakers human ang maong team milampaso sa Miami Heat, 106-94 aron tablahon ang NBA record sa Boson Celtics alang sa labing daghan titulo sa usa ka prangkisa.

Apan dunay mga badlungon nga fans ang misagol sa grupo ug nagsugod pagpanglabay og mga botelya, bato ug uban pang mga butang ngadto sa mga sakop sa kapolisan.

Sa dihang gisita sa mga polis, gamay lamang ang mipatuo ug mipahawa sa lugar. Ang kinabag-an nimugna og kasamok pinaagi sa pag-vandal ug paghugaw-hugaw sa mga establisamento, samtang ang ubang bayolente og batasan ang mga polis maoy gipuntariya.

Human sa insidente, kapin sa 30 ka mga edipisyo ang nangaguba ug 76 ka tawo ang gipangsikop.