Clarkson bag-ong alas sa Jazz
Wa gamahay ang Utah Jazz nga gikuha nila ang Fil-American nga si Jordan Clarkson pinaagi sa trade gikan sa Cleveland Cavaliers. Kini human si Clarkson nahimong bag-ong alas sa koponan diin mi-average siya og sobra sa 15 puntos uban sa koponan.
Ang teammate ni Clarkson nga si Joe Ingles miingon nga dako og natampo si Clarkson sa pagpakusug karon sa Jazz ug positibo siya sa ilang tsansa sa playoffs karon nga anaa na sa koponan nila ang 6-foot-5 nga slasher.
Standhardinger salig sa Northport
Positibo si Fil-German Christian Standhardinger nga makab-ot sa NorthPort Batang Pier ang labing una nilang finals appearance sa PBA sunod season. Ang 6-foot-8 nga si Standhardinger mibilib sa nabuhat sa NorthPort nga misud sa semifinals sa bag-o lang natapos nga PBA Governors Cup.
Si Standhardinger, kinsa gibayaw nga Best Player of the Conference, mituo sa sistema ni coach Pido Jarencio ug sa iyang mga teammates rason nga salig siya nga mulampos sila.
Ex-NBA bigman interesado ni Sotto
Gusto na kaayo nga ikaduwa ni ex-NBA forward ug kanhi usab import sa PBA nga si Renaldo Balkman ang 7-foot-2 Pinoy teen sensation nga si Kai Sotto kinsa mamahimo niyang teammate uban sa Mighty Sports PH nga morepresentar sa nasud sa Dubai International Tournament karong semanaha.
Si Balkman kinsa mamahimong ikaduhang import sa nasud uban ni Andray Blatche, miingon nga kusug ang kasikas sa pangan ni Sotto didto sa US ug gusto niya nga personal nga masaksihan ang potensiyal sa 17-anyos nga player.
- Latest
