Purefit gym daog na sab sa FYA 24 Soontit Construction Cup 2019-2020
CEBU, Philippines — Trading, 89-82 sa FYA Basketball Tournament Season 24 Soontit Construction Cup 2019-2020 niadtong Martes diha sa Atillo gym sa Punta Princesa, Dakbayan sa Sugbo.
Ang Purefit nga aduna na'y 2-0 win-loss record, gipangulohan sa best player niining si Wilson Gabucan nga mialsa og 28 puntos uban ang siyam ka rebounds, tulo ka assists ug usa ka stel.
Mipakitang gilas sab ang team manager nga si Mclain Alkuino nga miambit og 23 puntos sa Purefit Gym nga milabaw og 14 puntos sa first period, 26-12.
Nakabawi-bawi hinuon ang Central Ice Cream/Nevaeh Sales Trading sa ikaduhang kuwarter ug ila pang nalaslasan ang dakong labaw ngadto na lang sa usa ka lugas sa halftime, 41-40.
Apan ang ilang paglaum nga modaog anam-anam nga naawop kay ang Purefit Gym padayong nga nakigbisog aron subling moposte og double digits nga labaw, 69-54 human sa tulo ka kuwarter ug sukad niadto kontrolado na nila ang nahibiling mga gutlo sa duwa.
Sila si Emman Reubal ug Dodie De Gracia parehong mikandos og 20 puntos aron pangulohan ang Central Ice Cream/Nevaeh Sales Trading nilang Jopel Tejada ug Noel Medalle.
Ang playing team manager nga si Medalle miamot og 12 puntos sa pilderong koponan nga nagbitbit og 1-1 nga baraha.
Sa laing aksiyon, ang AVTES nakarekober gikan sa ilang kapildihan dihang gipahimungtan nila ang Pub Gee Resto Bar, 75-64 ubos sa pagpangulo ni Dexter Caballero nga mibagnos og 23 puntos. Gawas niini, si Caballero, ang presidente sa FYA (F. Llamas Youth Association) milangkat sab og pito ka rebounds, mipasa og duha ka assists ug mikawat og usa ka steal aron tahuron isip best player of the game.
Ang AVTES nilang Allen Tulod ug Macky Macachor nakakuha sab og suporta gikan nilang Ryan Villaver ug Joel Baiño nga mitampo'g 13 puntos matag usa.
Ang AVTES naghangak og ginukod gikan sa pagsugod ug diha na sila mahuwasi sa fourth quarter sa wala pa maangkon ang kutas nga kadaogan.
Nagkumbinar og 22 puntos sila si Jessie Boy Condrilon ug Dave Caballes aron pangulohan ang Pub Gee Resto Bar ni Boyet Duran nga nangiwit sa standing uban sa Harold's Hotel sa managsama nilang 0-2 nga baraha.
PUNTOS MATAG USA
Unang duwa:
PUREFIT GYM (89) – Gabucan 28, Alkuino 23, Pepino 8, Rara 7, Ramirez 5, Dante 5, G. Aguilar 5, Stella 4, Montillero 2, Cabrera 2.
CENTRAL Ice Cream/Nevaeh (82) – Reubal 20, De Gracia 20, N. Medalle 12, J. Enriquez 6, Angkos 6, Dela Peñ 5, Marata 3, Osorio 3, Miano 2, Tejada 2, T. Tabares 1.
Ikaduhang duwa:
AVTES (75) – D. Caballero 23, Villaver 13, Baiño 13, Sydiongco 5, W. Dacayana 4, Ursal 4, Ares 4, D. Tabares 3, Laput 2, Macachor 2.
PUB GEE (64) – Condrilon 12, D. Caballes 10, Manila 8, J. Enriquez 6, J. Ursal 6, Patricio 6, Silvano 6, Villarosa 4, Regudo 4, Bucayan 2.
- Latest
