Donaire moaway pa hangtod 40-anyos
CEBU, Philippines — Gitug-an ni WBA bantamweight champion Nonito 'The Filipino Flash' Donaire Jr. nga inspirado siya sa kadaogan ni Pinoy ring icon Manny Pacquiao batok sa mas bata nga si Keith Thurman niadtong Domingo didto sa MGM Grand Arena sa Las Vegas, Nevada.
Bisan og 40-anyos na si Pacquiao, apan nakahimo gihapon kini pagdaog sa 30-anyos nga si Thurman.
Ang 37-anyos nga si Donaire nagkanayon nga sama ni Pacquiao, layo pa ang posibilidad sa pagretiro ug plano pa niya nga mosaka sa ring bisan pa og magpangedaron na siya og 40-anyos.
Si Donaire kinsa personal nga misaksi sa away nilang Pacquiao ug Thurman, nagkanayon nga wala mibahar si Pacquiao ug sundon niya ang disiplina niini aron mamahimo usab siya nga epektibo bisan pa sa maong pangedaron.
Sama ni Pacquiao, si Donaire makigsangka usab sa mas bata og siyam ka tuig nga si Japanese boxing star Naoya Inoue alang sa ilang unification bout sa hinapos nga bahin ning tuiga.
- Latest